खड्गकाली मा.वि.मा अन्तरसदनात्मक वादविवाद प्रतियोगिता सम्पन्न
प्रतियोगितामा पक्ष र विपक्षमा रहने गरि हरेक सदनहरुबाट दुई/दुई जना प्रतियोगीहरुले सहभागिता जनाएका थिए । विद्यार्थीहरुमा तार्किक सीप परीक्षण तथा बैचारिक खण्डन गर्ने कला बढाउने उद्देश्यले उक्त कार्यक्रम सञ्चालन भएको हो । प्रतियोगितामा बाग्मती सदनबाट भाग लिने विद्यार्थीहरु इस्मी मल्ल र शर्मिला क्षेत्री, कोशी सदनबाट सीता थापा र दिवस गुरुङ, कर्णाली सदनमा हिमानी खाँण र नोमिस्का गुरुङ तथा गण्डकी सदनमा स्मृति बि.सी. र हिसिला गुरुङ रहेका थिए ।
प्रतियोगितामा गण्डकी सदनले प्रथम स्थान हाँसिल गरेका छन् । द्वितीय हुन सफल सदन कोशी रहेका छन् भने तृतीय र सान्त्वना स्थान हाँसिल गर्न सफल सदनहरु क्रमशः बागमती र कर्णाली रहेका छन् ।
निर्णायक मण्डलको रुपमा शिक्षकहरु बिष्णु पौडेल, शिव गिरी र संगिता अर्याल रहनुभएको थियो भने अन्य शिक्षकहरुले सुपरिवेक्षक भूमिका निभाउनुभएको थियो । बाल क्लबको सचिव अप्सरा थापाद्वारा सञ्चालित कार्यक्रममा प्रमुख अतिथीको रुपमा प्र.अ. लेस बहादुर खाँण र सभापतिको रुपमा बालक्लबको अध्यक्ष कक्षा ८ की छात्रा पुजा गुरुङ रहेका थिए । वादविवाद प्रतियोगितामा उत्साहको साथ सहभागी भई विभिन्न स्थान सहित विजयी विद्यार्थीहरु विद्यालयबाट पुरस्कृत हुनेछन् ।
सामाग्रीको प्रकृति : कार्यक्रमहरु
खड्गकाली मा.वि. (प्रशासन)
यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।
- खड्गकाली मा.वि. (प्रशासन)
- चापाकोट-४, (घुर्लिचौर) स्याङ्जा
- office@khadgakali.edu.np
- +9779762749881
Post a Comment