६० औं विद्यालय वार्षिकोत्सब तथा अभिभावक दिवसको पहिलो दिन विभिन्न खेलकुद प्रतियोगिता तथा अतिरिक्त कृयाकलापहरु सञ्चालन

प्रथम पटक प्रकाशित : Friday, May 12, 2023

श्री खड्गकाली मावि चापाकोट-४, घुर्लिचौर स्याङ्जामा आज मिति २०८० वैशाख २९ गते ६० औं विद्यालय वार्षिकोत्सव, चारकोठे भवनको समुद्घाटन तथा अभिभावक दिवसको पहिलो दिन विभिन्न खेलकुद प्रतियोगिता तथा अतिरिक्त कृयाकलापहरु सञ्चालन भएको छ ।

खेलकुदहरुमा अन्तर-सदनात्मक पुरुष भलिवल र हाजिरी जवाफ प्रतियोगिता, बाल हिसाब दौड, बाल बेलुन फुटाई, विद्यार्थी घैँटो फोड, अभिभावक घैँटो फोड, विद्यार्थी कुर्सी दौड (म्युजिकल चियर) र अभिभावक कुर्सी दौड प्रतियोगिता सम्पन्न भएको छ ।

अन्तर-सदनात्मक पुरुष भलिवल प्रतियोगितामा गण्डकी सदन प्रथम भएका छन् । द्वितीय हुन सफल सदन कोशी रहेका छन् भने तृतीय र सान्त्वना स्थान हासिल गर्न सदनहरु क्रमशः कर्णाली र बाग्मती रहेका छन् ।

त्यसैगरी अन्तर-सदनात्मक हाजिरी जवाफ प्रतियोगितामा प्रथम कर्णाली सदन, द्वितीय बाग्मती सदन, तृतीय गण्डकी सदन र सान्त्वना कोशी भएका छन् । बेलुन फुटाई प्रतियोगितामा कक्षा के.जी. को निस्पल खाँण, विद्यार्थी घैँटो फोडमा कक्षा ५ को अमृत पौडेल, अभिभावक घैँटो फोडमा चापाकोट-४ लग्दाका सारदा कुँवर, विद्यार्थी कुर्सी दौडमा कक्षा ५ को गौरब खाँण र अभिभावक कुर्सी दौडमा चापाकोट-४ भण्टाबारीका अमृता थापा प्रथम हुनुभएको छ ।

खेलमा विभिन्न स्थान प्राप्त गर्ने प्रतियोगीहरु वैशाख ३१ गते वार्षिकोत्सव, चारकोठे भवनको समुद्घाटन तथा अभिभावक दिवसको समापनको दिन पुरस्कृत हुनेछन् ।

सामाग्रीको प्रकृति : कार्यक्रमहरु वार्षिक उत्सव समाचार

खड्गकाली मा.वि. (प्रशासन)

यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।

• प्रकाशकखड्गकाली मा.वि. (प्रशासन)
• ठेगानाचापाकोट-४, (घुर्लिचौर) स्याङ्जा
• इमेलoffice@khadgakali.edu.np
• सम्पर्क नं.+9779762749881