दिपावली २०७९ को अवसरमा खड्गकाली मा.वि. मा अन्तर सदनात्मक देउसी भेैलो प्रतियोगिता सम्पन्न

प्रथम पटक प्रकाशित : Friday, October 21, 2022

श्री खड्गकाली मावि चापाकोट-४, घुर्लिचौर, स्याङ्जामा आज मिति २०७९ कार्तिक ४ गते अन्तरसदनात्मक देउसी भैलो प्रतियोगिता भब्यताको साथ सम्पन्न भयो ।

विद्यालयको प्रधानाध्यापकको प्रमुख अतिथ्यतामा सञ्चालन भएको कार्यक्रममा कक्षा १० का छात्रा सन्ध्या अर्यालले स्वागत मन्तव्य व्यक्त गरे । प्रतियोगितामा हरेक सदनका टिमबाट ८/८ जना गायन तथा नृत्य तर्फ रहने गरि प्रतियोगीहरु सहभागी भएका थिए । निर्णायक मण्डलको भूमिकामा विद्यालयका शिक्षकहरु शिव गिरी, सरस्वती अर्याल र संगिता पौडेल हुनुहुन्थ्यो ।

परम्परागत रुपमा चलिआएको र विशेष महत्त्व बोकेको यस उल्लासमय चाडमा सबैजना जुटेर शुभकामना आदानप्रदान गर्दै, अनावश्यक तडक भडक नदेखाई भक्तिभावले मनाउनुपर्ने तथा समाजमा कुनै किसिमको विकृति फैलिन दिन नहुने भाव व्यक्त गर्दै हरेक सदनले आ-आफ्ना प्रस्तुतिहरु दिएका थिए । प्रतियोगीहरुले गायकीकै माध्यमबाट विद्यालयको उन्नति, प्रगति र शैक्षिक उन्नयन र सफलताको समेत कामना गरे । प्रतियोगितामा बेगनास सदन प्रथम हुन सफल भएका छन् । द्वितीय हुन सफल सदनमा तिलिचो र फेवा सदन रहेका छन् भने रारा सदन तृतीय भएका छन् ।

कार्यक्रममा प्रमुख अतिथीको रुपमा रहनुभएको विद्यालयको प्रधानाध्यापक लेस बहादुर खाँणले हिन्दुहरुको महान पर्व तिहार र छठ पर्वको शुभकामना सहित कार्यक्रममा उपस्थित सम्पूर्ण विद्यार्थी, अभिभावक तथा प्रतियोगीहरुलाई धन्यवाद ज्ञापन गर्दै आगामी दिनहरुमा पनि यस्ता प्रतिभाहरु प्रस्फुटन हुने कार्यक्रमहरुमा निरन्तर रुपमा सहभागी हुन आग्रह गर्नुभयो । उहाँले विद्यार्थीहरुलाई चाड मनाउने होडबाजीमा समाजमा विकृति फैलाउने खालको कुनै कार्यमा संलग्न हुन नहुने कुरामा सचेत पनि गराउनुभयो । 

प्रतियोगितामा सहभागी बाहेकका विद्यार्थीहरुले प्रस्तुति दिएर कार्यक्रमको रौनक अझ बढाएको थियो । वालक्लवको उपाध्यक्ष बिर बहादुर गुरुङको अध्यक्ष्यतामा प्रारम्भ भएको उक्त कार्यक्रम कक्षा १० का छात्रा देबी सिंजालीद्वारा सञ्चालन भएको थियो ।

सामाग्रीको प्रकृति : कार्यक्रमहरु

Bikas Gurung

यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।

• प्रकाशकBikas Gurung
• ठेगानाचापाकोट-४, (घुर्लिचौर) स्याङ्जा
• इमेलoffice@khadgakali.edu.np
• सम्पर्क नं.+9779762749881