हार्दिक श्रद्वाञ्जली - श्री चित्र बहादुर शाही
 |
| यस विद्यालयका संस्थापक सदस्य श्री चित्र बहादुर शाही (खाँण) को ८४ वर्षको उमेरमा असमाहिक निधन भएका कारण उहाँको आत्माको चिर शान्तीको कामना कामना सहिद भावपूर्ण श्रद्वाञ्जली अर्पण गर्दछौं । साथै, शोकाकुल परिवारहरुमा भगवानले धैर्य धारण गर्न सक्ने शक्ति प्रदान गरून भन्दै हार्दिक समवेदना प्रकट गर्दछौं । |
स्याङ्जा जिल्ला चापाकोट-४ घुर्लिचौर (हाल यु.के) निवासी श्री चित्र बहादुर शाही (खाँण) को ८४ वर्षको उमेरमा मिति २०७७/११/१३ गते निधन हुनुभयो भने अन्त्यष्टि २०७७/१२/७ गते यु.के. मा नै सम्पन्न भयो । उहाँको निधनले विद्यालय एवम् समाजले एउटा अथक विकासप्रेमी व्यक्तित्व गुमाउनु परेको पिडाको कारण विद्यालय परिवार स्तब्ध भएको छ । उहाँ यस श्री खड्गकाली मा.वि.को संस्थापक सदस्य हुनुहुन्छ ।
२०५३ सालमा गोर्खा वेल्फेयर स्किम (GWS) बाट स्पन्सरको भूमिकामा रु १४ लाखको दुम्सिखोला देखि घुर्लिचौर खानेपानी योजना सम्पन्न गर्नु भै १०० घरधुरी र लगभग ४०० जना विद्यार्थीहरुलाई पिउने पानीको सुविधा प्राप्त भएको र हालसम्म सोही योजनाको पिउने पानी उपलब्ध भैराखेको छ। त्यस्तै सोही संस्था GWS बाट २०६२ सालमा विद्यालय पक्की भवनको लागि रु ९५,०००/- लगायत फर्निचर मर्मतको योजना ल्याउनु भएको थियो । यस विद्यालयमा २०६१ मा शिक्षक अभिभावक संघको सदस्य, २०६३ मा विद्यालय व्यवस्थापन समितिको सदस्य पदमा रहेर विद्यालयको सेवा गर्नुभएको थियो ।
साथै, वडा सदस्य र २ कार्यकाल वडा अध्यक्षको रुपमा जन निर्वाचित प्रतिनिधिको रुपमा काम गर्नुभयो । यस विद्यालयमा उहाँको परिवारजनबाट आर्थिक सहयोग प्राप्त भै छोराहरू श्री गणेश शाही र श्री दिपेन्द्रध्वज शाही मा.वि. संस्थापक सदस्य, श्री सुरेन्द्र शाही र बुहारी श्री सुकुम शाही कर्मठ आजीवन सदस्य, छोरी श्री भगवती शाही आजीवन सदस्य हुनुहुन्छ । हाल उहाँको १ श्रीमति, ४ छोरा/४ बुहारी, २ छोरी/२ ज्वाई, ६ नाति/२ नाति बुहारी, ९नातिनी/१ नातिनी ज्वाइँ, ५ पनाति, ६ पनातिनीहरू हुनुहुन्छ ।
यस विद्यालयप्रति भएको अमूल्य योगदानको उच्च सम्मानकासाथ आज उहाँको निधनप्रति हार्दिक श्रद्धाञ्जलि प्रकट गर्दै चिरशान्तिको कामनासहित विद्यालयमा शोक मनाईयो । अन्तमा शोकाकुल परिवारजनमा गहिरो समवेदना व्यक्त गर्दै ईश्वरले धैर्यधारण गर्ने शक्ति प्रदान गरून् भन्ने कामना गर्दछौ ।
श्री खड्गकाली मा.वि.परिवार चापाकोट -४ स्याङ्जा
सामाग्रीको प्रकृति : श्रद्वाञ्जली तथा समवेदना सूचना
खड्गकाली मा.वि. (प्रशासन)
यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।
- खड्गकाली मा.वि. (प्रशासन)
- चापाकोट-४, (घुर्लिचौर) स्याङ्जा
- office@khadgakali.edu.np
- +9779762749881
Post a Comment