खड्गकाली मा.वि. मा अन्तरसदनात्मक वक्तृत्वकला प्रतियोगिता सम्पन्न
 |
| वक्तृत्वकला प्रतियोगितामा उपस्थित विद्यार्थीहरुको केहि झलक |
खड्गकाली मा.वि. चापाकोट-४, घुर्लिचौर, स्याङ्जामा आज मिति २०७५ आश्विवन १९ गते शुक्रबार विद्यालयको वालक्लवको आयोजनामा प्रा.वि., नि.मा.वि. र मा.वि. तहका अन्तर सदनात्मक वक्तृत्वकला प्रतियोगिता सम्पन्न भयो ।
 |
| निर्णयक मण्डल, प्र.अ. र प्रतियोगी विद्यार्थीको एक तस्बिर |
प्रतियोगितामा प्रावि तहबाट ४ जना, निमावि तहबाट ६ जना र मावि तहबाट ८ जना गरि जम्मा १८ जना विद्यार्थीहरुले भाग लिएका थिए । निर्णयक मण्डलको रुपमा विद्यालयका शिक्षकहरु क्रमशः जगदीश यादव, बिष्णु पौडेल र बिकास गुरुङ रहेका थिए । वालक्लवको अध्यक्ष प्रिया गुरुङको अधक्ष्यतामा भएको उक्त कार्यक्रम कक्षा १० का छात्र सौरव अर्यालद्वारा सञ्चालन भएको थियो ।
प्रा.वि. तहमा 'समाजका सलब र दुर्वल पक्षहरु' शिर्षकको अन्तरसदनात्मक वक्तृत्वकला प्रतियोगितामा सगरमाथा सदनका छात्र दिनेश पुलामीले प्रथम स्थान हासिल गर्न सफल भएका छन् । माछापुच्छ्रे सदनका छात्रा सोनीका सारू द्वितीय हुन सफल भएका छन् भने कञ्चनजंघा र धौलागिरी सदनहरुका छात्रछात्राहरु क्रमशः डम्बर पौडेल र नम्रता पौडेल दुबैले तृतीय स्थान हासिल गर्न सफल भएका छन् ।
निमावि तहमा 'छुवाछूत उन्मुलनमा विद्यार्थीको भूमिका' शिर्षकको वक्तृत्वकला प्रतियोगितामा माछापुच्छ्रे सदनका छात्रछात्राहरु क्रमशः शिख्र बहादुर पौडेल र प्रिया गरुङ प्रथम हुन सफल भएका छन् । द्वितीय स्थान ओगट्न सफल हुनेमा धौलागिरी सदनका छात्रछात्राहरु क्रमशः विकास पौडेल र अञ्जना पौडेल रहेका छन् । त्यसैगरी कञ्चनजंघा सदनका छात्रा भूमिका पंगेनी तृतीय हुन सफल भएका छन् भने सगरमाथा सदनका सुस्मा पौडेल सान्त्वना हुन सफल भएका छन् ।
'भूकम्पीय सुरक्षामा हाम्रो दायित्व' शिर्षकको मावि तहको वक्तृत्वकला प्रतियोगितामा धौलागिरी सदनका मनिस पंगेनी र पुष्पा क्षेत्री प्रथम हुन सफल भएका छन । द्वितीय हुन सफल कञ्चनजंघा सदनबाट विपन पुलामी र संगिता शर्मा रहेका छन् भने तृतीय हुनेमा अमृत सारु र इनमायाँ गुरुङ रहेका छन् । त्यसैगरी सगरमाथा सदनका छात्रछात्राहरु क्रमशः सुन्दर गिरी र सुजिना पौडेलले सान्त्वना स्थान हासिल गर्न सफल भएका छन ।
 |
| कार्यक्रममा बोल्दै प्र.अ. लेस बहादुर खाँण |
प्रतियोगितामा सहभागी सम्पूर्ण विद्यार्थीलाई पुरस्कार वितरण पश्चात अन्त्यमा प्र.अ. लेस बहादुर खाँणले कार्यक्रमका प्रतियोगी एवम् अन्य सम्पूर्ण विद्यार्थीहरुलाई धन्यवाद ज्ञापन गर्दै छुवाछूत उन्मुलन र भूकम्पीय सुरक्षा दुबैमा विद्यार्थीहरुको भूमिका एवं दायित्वको विषयमा प्रकाश पार्नुभयो ।
सामाग्रीको प्रकृति : कार्यक्रमहरु समाचार
खड्गकाली मा.वि. (प्रशासन)
यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।
- खड्गकाली मा.वि. (प्रशासन)
- चापाकोट-४, (घुर्लिचौर) स्याङ्जा
- office@khadgakali.edu.np
- +9779762749881
Post a Comment